Deputeti socialist, Erion Braçe, kërkin sqarim për lëkundjet e tokës në Fier. Në një postim në “Facebook”, Braçe shprehet se ka një cak për gjithçka. Fjala është për lëkundjet me të cilat përballen shpesh banorët e zonës së Zharrëzës, për shkak të operacioneve që kryen kompania “Bankers” në zonën naftëmbajtëse.
“Si deputet i qarkut të Fierit;
Kërkoj zyrtarisht, një sqarim të qartë dhe shkencor të "tërmeteve" të së premtes, të dielës dhe mbi të gjitha të djeshmet në Fier, thuajse në kufijtë e shpërthimit, jo të lëkundjes!!
Ka një cak gjithnjë.
Gjithkush e do sipërmarrjen, zhvillimin që vjen prej saj, por jo këtë tmerr”, shkruan Braçe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
