Dhjetë protestues humbën jetën në kryeqytetin kenian, Nairobi, pas sulmit ndaj parlamentit në kulmin e protestës kundër ligjit financiar i cili u miratua ditën e sotme.
Një pjesë e ndërtesës ku ndodhet parlamenti është djegur, ndërsa mediat raportojnë se të paktën dhjetë protestues kanë vdekur.
Ndërkohë deri më tani konfirmohen mbi 45 persona të plagosur.
Numri i të vdekurve mund të rritet në vijim ndërsa policia vazhdon të luftojë me protestuesit brenda dhe jashtë parlamentit.
Kenianët po protestojnë kundër një projektligji të ri financiar i cili paraqet propozime jopopullore tatimore të cilat kanë ngjallur shumë zemërim në të gjithë vendin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
