Ministria për Evropën dhe Punët e Jashtme ka reaguar pas deklaratave të presidentit Ilir Meta për çështjen e negociatave me Greqinë.
Përmes një deklarate për shtyp, Ministria shprehet se po shqyrton letrën e Presidentit të Republikës, në përgjigje të kërkesës së dërguar prej saj, për lëshimin e autorizimit për fillimin e negociatave me palën greke për delimitimin e hapësirave detare mes dy vendeve.
MEPJ thekson se ky institucion është i angazhuar për të vijuar bisedimet e konsultimet e nisura me Presidentin e Republikës për të gjitha çështjet me interes për këtë proces.
"Çështjeve të ngritura nga Presidenti i Republikës, Ministria për Evropën dhe Punët e Jashtme do t’u përgjigjet në rrugë institucionale", deklaron Ministria e Jashtme.
Më tej në deklaratën e Ministrisë thuhet se sikundër Ministri për Evropën dhe Punët e Jashtme është i angazhuar për të vijuar bisedimet e konsultimet e nisura me Presidentin e Republikës për të gjitha çështjet me interes për këtë proces.
"Procesi i nisur me Greqinë është kompleks, ndaj kërkon qetësi, maturi, institucionalizëm dhe jo projektimin e një anormaliteti që nuk ekziston", mbyll deklaratën Ministria e Jashtme.
Presidenti Ilir Meta, sot në një konferencë për mediat, sqaroi pse ishte detyruar të publikonte letrën që i kishte kthyer përgjigje ministrit pas kërkësës për plotfuqishmërinë në lidhje me negociatat me Greqinë.
Sa i takon marreveshjes për detin, Meta tha se vendimi i Gjykatës Kushtetuese i vitit 2010 është vija e kuqe për të gjithë dhe nëse Qeverisë nuk i pëlqen ky vendim, mund ta ankimoje ose te beje votat ne Parlament per ti hequr Presidentit pergjegjesite kushtetuese për këtë çështje.
Meta u tregua i prerë kur tha se pa plotësuar mangësitë e konstatuara në kërkesën për autorizim, Presidenti nuk do t'i japë Plotfuqi Ministrit të Jashtëm dhe grupit negociator për këtë çështje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
