Kryeministri i Shqipërisë, Edi Rama, së bashku me familjarët e viktimave të ‘21 janarit’ kanë zhvilluar homazhe në bulevardin “Dëshmorët e Kombit”, aty ku dhe protestuesit u qëlluan.
Në homazhe kanë marrë pjesë deputetë dhe ministra të mazhorancës.
Kryeministri së bashku me familjarët kanë vendosur karafila të kuq.
Në median e tij sociale Rama shkroi sot se vrasja barbare e katër protestuesve paqësorë kërkon drejtësi.
Kreu i Qeverisë është shprehur i bindur se drejtësia vonon por nuk harron.
Në protestën që përfshiu vendin më 21 janar 2011, mbetën të vrarë 4 qytetarë, më konkretisht Aleks Nika, Ziver Veizi, Hekuran Deda dhe Faik Myrtaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
