Analistja Anduena Llabani, takimin e Ndihmës Sekretarin e Departamentit të Shteteve të Bashkuara të Amerikës, Todd Robinson, me kreun e SPAK, Altin Dumani e vlerëson si tregues të mbështetjes që ka dhënë Amerika për ngritjen e Prokurorisë së Posaçme.
Nga studio e MCN Live, ajo deklaroi se ka patur takim kokë më kokë mes Dumanit dhe Robibnson i cili është i dyti nga zyrtarët më të lartë amerikan që takon kreun e SPAK.
Takimi ka zgjatur disa minuta dhe duket shumë i afërt, pasi përqafohen kur dalin.
Ka pasur takim edhe me drejtues të tjerë të çështjeve kryesore të SPAK, nuk ka munguar as kreu i Byrosë Kombëtare të Hetimit, Aida Hajnaj, e cila nuk ka qenë kaq mediatike.
Zyrtari amerikan nuk ka ardhur vetëm për të parë dosjet, por për të sjellë mjete të sofistikuara dhe këtu e kam fjalën për një zyrë të plotë përgjimi pranë Byrosë Kombëtare të Hetimit.
Llabani shtoi se raporti mes SPAK dhe Shërbimit Informativ Kombëtar është prishur.
Sipas saj gjithë vëmendja e SPAK sot është përqendruar te korrupsioni dhe arrestimi i zyrtarëve të lartë.
Përtej atyre rreshtave që bëhen publike, flitet që shumë shpejtë BKH dhe SPAK do të kenë zyrën e vetë të përgjimit.
Flitet që muajin mars do ketë arrestime në nivel zyrtarësh, çështja e inceneratorëve, çështja e CEZ-DIA.
Llabani shtoi se nga bandat kriminale ka shumë emra që për shkak të vonesës së procedimit gjyqësor pritet që të dalin nga burgu dhe në banesat ku po strehohen po ndërtojnë tunele të nëndheshme për të siguruar jetën.
Në vijim u shpreh se arrestimet e fundit kanë nxjerrë shumë bashkëpunëtorë të drejtësisë dhe nuk ka më imunë ndaj prangave dhe hetimeve konkrete, dhe fakti që “41 Biss” është kthyer në një godinë për ti mbajtur ata, është një mënyrë për ti mbajtur larg kërcënimeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
