Në studion e MCN TV, deputetja Marjana Koçeku tha se nuk pret sukses nga Paketa e Maleve. Ajo u shpreh se nuk mund të flitet për sukses të projekteve të tilla përsa kohë banorëve të atyre zonave nuk u njihet e drejta e pronësisë.
Ajo që ka nevojë ajo zonë është investimi publik në infrastrukturë, shëndetësi, arsim. Sot flasim për një Dukagjin që nuk ka as infrastrukturë, as siguri për turistët.
A mund të flasim për sukses të Paketës së Maleve nëse banorët që kanë shekuj në ato zona akoma nuk u njihet e drejta e pronësisë së kullave të tyre shekullore. Është mungesë e vëmendjes së qeverisë ndër vite. Përveç kësaj, gjatë verës sipërmarrjet mbajnë ndezur gjeneratorët. Kur nuk sigurohet energji elektrike e vazhdueshme, si mund të flasim për gjë tjetër?
Të gjitha këto e vënë në pikëpyetje suksesin e Paketës së Maleve.
Çështja e pronave është plagë mbarëshqiptare. Kullat në veri, si vlerë, po shkon drejt shkatërrimit për shkak të mosmbrojtjes ligjore. E kam ngritur si çështje në mbledhjet e grupit parlamentar të partisë ku kam bërë pjesë për 10 muaj. Po pres. Nëse nuk garantojmë pronën nuk besoj se projekte si Paketa e Maleve mund të kenë sukses.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
