Ambasadori i SHBA-ve në Serbi, Christopher Hill, bën me dije se Uashingtoni ka pranuar kërkesën e Kosovës për blerjen e raketave anti-tank "Javelin".
Deklarata e Hill u bë gjatë një takimi që ai zhvilloi me presidentin e Serbisë, Aleksandar Vuçiç, raporton "Danas".
Hill u shpreh se DASH do ta dërgojë kërkesën e Kosovës në Kongresin Amerikan, i cili do ta fillojë procedurën zyrtare. Aleksandar Vuçiç tha se ky informacion është një zhgënjim i madh për Serbinë.
“Për ne është me rëndësi të madhe që paqja në rajon të mos prishet dhe Serbia të vazhdojë të sillet me përgjegjësi dhe të kontribuojë për stabilitetin në Ballkan”, tha Vuçiç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
