Në rrugët e Tiranës prej dy ditësh ka nisur një shërbim i taksi me makina elektrike me ngjyrë identifikuese të bardhë dhe të gjelbër. Numr i tyre është i vogël por ndryshimi nga taksitë e tjera është se ato ofrojnë një çmim më të ulët. Për këto taksi ka folur edhe kreu i Sindikatës së Taksistëve thotë se iniciativa është e mirë, por është bërë jashtë kritereve të konkurencës.
Edhe taksistët e tjerë janë kundër mjeteve "Green Taxi", pasi sipas tyre ato nuk kanë elementët e përcaktuar për veprimtarin e punës siç janë targat e verdha dhe logon identifikuese. Njëri prej shoferëve të taksive që punon në zonën e ish bllokut e cilësoi këtë si konkurencë të pandershme.
Por nga ana tjetër kompania ka hedhur poshtë pretendimet e taksistëve duke thënë se operon në treg prej dy ditësh mbi bazën e licencës me vlefshmëri deri në vitin 2023.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
