BE i ka kërkuar Izraelit të mos ndërmarrë veprime ushtarake në Rafah, në Rripin jugor të Gazës, gjë që do të përkeqësonte një situatë tashmë katastrofike humanitare.
Kështu shkroi përfaqësuesi i Lartë i BE-së, Josep Borrell në X.
Të gjithë civilët duhet të mbrohen në përputhje me të drejtën ndërkombëtare humanitare dhe urdhri i Gjykatës Ndërkombëtare të Drejtësisë duhet të respektohet. Ne i kërkojmë edhe një herë Hamasit lirimin e menjëhershëm dhe pa kushte të të gjithë pengjeve.
Dje Borrell shprehu shqetësimin e fortë të BE-së për planet e qeverisë izraelite për një operacion të mundshëm tokësor në Rafah, ku më shumë se një milion palestinezë janë strehuar për t'i shpëtuar luftimeve dhe i kishte kërkuar qeverisë izraelite t'i ndalte ato plane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
