Shefi i UEFA-s, Aleksander Ceferin në konferencën për media ka thënë se shtëpia europiane e futbollit do ta financojë FFK-në ashtu siç financon federatat tjera, por ka theksuar se duhet të dëshmohet destinacioni i parave që merr FFK-ja.
“Për infrastrukturë ne kemi programin ‘hattrick’ ku çdo asociacion futbolli fiton shumën e njëjtë financimi, por për Kosovën është mjaft e madhe. Këto para duhet të dëshmohen se ku po shpenzohen”, ka thënë Ceferin.
I pyetur për formimin e mundshëm të një lige regjionale në futboll, Ceferin nuk e ka përjashtuar këtë mundësi, por, sipas tij, ende nuk ka pasur diçka konkrete.
“Sa i përket ligës regjionale, situata e sigurisë dhe politike nuk lejon një gjë të tillë dhe është një rrezik për UEFA-n... ndoshta në të ardhmen, por ende nuk ka diçka konkrete”, ka thënë Ceferin.
Ish-kreu i federatës sllovene, ka përsëritur edhe një herë qëndrimin se Kosova duhet të punojë më shumë në infrastrukturën e futbollit, derisa Kreu i FFK-së, Fadil Vokrri, ka falënderuar Ceferinin për pranimin e ftesës që të vizitojë Kosovën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
