Pas kërkesës së ministri i Brendshëm, Bledi Çuçi, i dërgoi në lidhje me vendimet e gjyqtarit të Gjirokastrës, Elidon Papazisi, Këshilli i Lartë Gjyqësor është përgjigjur me qëndrimin se funksionarët publikë nuk duhet të shprehen publikisht për vendimet e gjyqtarëve dhe t’i lejojnë të ushtrojnë të pavarur detyrën e tyre.
Një ditë më parë, Çuçi njoftonte KLGJ-në se vendimet e Papazisit janë bërë shkak që të pengohet aksioni i IKMT dhe Policisë së Shtetit, në kuadër të operacionit kundër ndërtimeve të paligjshme.
Por KLGJ, nga ana e saj e shprehet se dhënia e drejtësisë duhet të jetë e çliruar nga çdo lloj ndikimi dhe ndërhyrjeje, kushte të domosdoshme këti për garantimin e shtetit të së drejtës. KLGJ thotë se reagime të tilla nxisin në publik ndjenjën e armiqësisë ndaj pushtetit gjyqësor.
“Dhënia e drejtësisë duhet të jetë e çliruar nga çdo lloj ndikimi, ndërhyrjeje të subjekteve publike ose private. Ky është kusht i domosdoshëm për garantimin e shtetit të së drejtës. Qëndrime të tilla nuk bëjnë gjë tjetër, veçse nxisin në publik ndjenjën e armiqësisë ndaj pushtetit gjyqësor, krijojnë imazhin e gabuar mbi gjyqësorin dhe bien ndesh me qëllimet dhe objektivat e reformës në drejtësi, si dhe cenojnë rëndë figurën dhe dinjitetin e gjyqtarit”, thuhet në përgjigjen e KLGJ-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
