Ish-kryeministri britanik, Tony Blair zbarkoi në vendin tonë mbasditen e së mërkurës, por këtë rradhë raportohet se ka ndërmend të kalojë pushimet verore. Blair ka zbritur nga bordi i një helikopteri, rreth orës 18:30, në fushën e stadiumit të qytetit të Himarës.
Gjithashtu mësohet se menjëherë pas mbërritjes në vendin tonë Blair është pritur në vilën qeveritare të Dhërmiut nga kryeministri i vendit, Edi Rama. Ish – kryeministri britanik dhe njëkohësisht këshilltar i qeverisë Rama pritet të kalojë disa ditë në Rivierën Shqiptare.
Por prania dhe impenjimet e Tony Blair në Shqipëri tashmë mund të konsiderohen rutinë, madje pak kohë më parë ka drejtuar edhe një mbledhje të Këshillit të Ministrave, por Shqipëria si destinacion e pushimeve të tij përbën ende lajm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
