Izraeli ka përdorur municione me fosfor të bardhë në operacionet e tij ushtarake si në Rripin e Gazës ashtu edhe në Liban, theksoi të enjten organizata joqeveritare Human Rights Watch (HRW), duke theksuar se këto armë i ekspozojnë civilët pa dallim ndaj rrezikut të vuajtjes dhe lëndimeve serioze e afatgjata.
I pyetur në lidhje me akuzat e grupit, një zëdhënës i ushtrisë izraelite i tha agjencisë së lajmeve Reuters se “aktualisht nuk ishte në dijeni të përdorimit të armëve që përmbajnë fosfor të bardhë në Gaza”.
Ai nuk komentoi informacionet për përdorimin e municioneve të tilla në Liban. Izraeli ka bombarduar Rripin e Gazës që nga e shtuna në shenjë hakmarrjeje për një sulm të paprecedentë të Hamasit ndaj tij që la 1300 të vdekur.
Mbi 1500 palestinezë janë vrarë. Ushtria izraelite, u angazhua gjithashtu kundër luftëtarëve të lëvizjes shiite libaneze Hezbollah.
HRW tha në një deklaratë se kishte verifikuar videot e regjistruara në Liban më 10 tetor dhe në qytetin e Gazës më 11 tetor, të cilat tregonin “shpërthime të shumta ajrore të predhave me municion fosfor të bardhë”, përkatësisht në dy zona rurale dhe në port.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
