Shteti ka marrë në administrim kompanitë e sekuestruara të lidhura me Ergys Agasin dhe Ermal Beqirin, pas kërkesës së Prokurorisë së Posaçme (SPAK) dhe vendimit të Gjykatës së Posaçme kundër Korrupsionit dhe Krimit të Organizuar.
Sipas vendimit gjyqësor, në këto shoqëri janë emëruar administratorë shtetërorë, duke zëvendësuar drejtuesit e mëparshëm. Kompanitë “EA Solution” dhe “Soft Solution” nuk do të drejtohen më nga Arjola Koromani dhe Ina Çiko.
Në shoqërinë “EA Solution” është emëruar si administrator Julian Llupo, ndërsa është larguar nga detyra Ina Çiko, me efekt nga data 21 prill 2026.
Ndërkohë, për shoqërinë “Soft Solution” është emëruar Dritan Çepa si administrator i shoqërive tregtare të subjektit Ermal Beqiri, në zbatim të vendimit nr. 289, datë 20 prill 2026, të Gjykatës së Posaçme të Shkallës së Parë.
Këto ndryshime vijnë në kuadër të masave të ndërmarra nga autoritetet për administrimin e aseteve të sekuestruara dhe garantimin e vijimësisë së aktivitetit të tyre nën mbikëqyrje shtetërore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
