Koreja e Veriut njoftoi sot se ka testuar me sukses një raketë të re taktike balistike të aftë për të mbajtur një kokë lufte shumë të madhe, një ditë pasi Koreja e Jugut tha se Pheniani kishte lëshuar një breshëri raketash balistike me rreze të shkurtër veprimi.
Raketa e re, e quajtur Hwasongpho-11-Da-4.5, ishte e pajisur me një kokë luftarake konvencionale 4.5 ton gjatë testimit të kryer nga Administrata e Raketave të Koresë së Veriut të mërkurën, njoftoi agjencia zyrtare e lajmeve KCNA.
“Lançimi provë synonte të verifikonte saktësinë e goditjes në rrezet mesatare prej 320 kilometër dhe fuqinë shpërthyese të kokës super të madhe me një raketë të ngarkuar me një kokë të tillë”, tha KCNA.
KCNA raportoi se Administrata e Raketave kreu gjithashtu lëshimin provë të një rakete strategjike lundrimi, performanca e së cilës u përmirësua ndjeshëm për përdorim luftarak.
Udhëheqësi i Koresë së Veriut, Kim Jong Un, mbikëqyri lëshimet e provës dhe shprehu kënaqësinë e tij.
“Situata ushtarake dhe politike në rajon, e cila kërcënon mjedisin aktual të sigurisë, tregon se forcimi i kapacitetit ushtarak për vetëmbrojtje duhet të jetë qëllimi më i rëndësishëm i vendit”, tha Kim.
Komanda e Përbashkët e Forcave të Armatosura të Koresë së Jugut tha dje se zbuloi lëshimet rreth orës 06:50 të mëngjesit nga zona Kaechon në provincën Jugore Phyongan, në veri të Phenianit dhe raketat udhëtuan rreth 400 kilometra.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
