Një grup lokal i monitorimit të situatës në Mianmar ka bërë të ditur se deri më tani janë vrarë të paktën 739 persona pasi ushtria e Mianmarit vazhdon të përdorë metoda brutale për të shtypur protestat kundër grusht shtetit.
Shoqata e Ndihmës për të Burgosurit Politikë (AAPP) në raportin e saj të fundit njoftoi se dje një person tjetër u vra në Myaung në rajonin Sagaing.
AAPP po ashtu njoftoi se gjithsej 3.331 persona mbeten në paraburgim, 76 e të cilëve janë dënuar.
Urdhër arresti janë lëshuar për 1.059 persona të tjerë që kur ushtria e Mianmarit mori pushtetin më 1 shkurt, duke rrëzuar qeverinë e zgjedhur të Aung San Suu Kyi.
Sipas AAPP-së, midis atyre që i shmangen arrestimit janë 20 persona të cilët janë dënuar me vdekje dhe 14 të cilët përballem me tre vjet burg me punë të rëndë.
AAPP po ashtu mohoi akuzën e ushtrisë së Mianmarit se në raportet e saj fryn numrin e viktimave. Grupi tha se lista e tyre e vdekjeve janë “të verifikuara në mënyrë rigoroze dhe të besuara”.
Grupi tha se të dhënat në raportet e viktimave u besuan “njëzëri” dhe u cituan nga Kombet e Bashkuara (OKB), organizatat jofitimprurëse ndërkombëtare, qeveritë dhe mediat në mbarë botën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
