Aktori amerikan Kevin Spacey është shpallur i pafajshëm nga një gjykatë në Londër në gjyqin në të cilin ai akuzohej për kryerjen e ngacmimeve seksuale ndaj katër burrave. Fituesi 64-vjeçar i çmimit Oskar u lirua nga nëntë akuza, duke përfshirë sulmin seksual dhe nxitjen e aktivitetit seksual pa pëlqim. Abuzimi dhe ngacmimi seksual i diskutuar në Londër kishte të bënte me ngjarje që datojnë në një periudhë midis viteve 2001 dhe 2013. Vendimi i jurisë, i mbledhur përpara Gjykatës së Southwark, erdhi pas rreth një muaji seancash. Aktori ishte deklaruar gjithmonë i pafajshëm, duke mohuar një sërë akuzash të ngritura kundër tij nga 4 të rinj, duke përfshirë një ish-aktor aspirant. Akuzat u raportuan në dy faza, fillimisht nga aktori i ri aspirant, më pas nga tre burra të tjerë që ishin midis 20 dhe 30 vjeç në atë kohë. Në fazën përfundimtare të procedimit, prokuroria insistoi në paraqitjen e dy herë fituesit të çmimit Oskar si një personazh që shfrytëzoi fuqinë dhe ndikimin e tij për të abuzuar me djem më të rinj se ai, duke argumentuar se sjellja e tij duhet të gjykohet në të njëjtën mënyrë, ndaj ngacmimeve seksuale të kryera ndaj grave dhe të denoncuara nga lëvizja MeToo. Vazhdimisht avokati mbrojtës i Spacey, Patrick Gibbs, ka mohuar çdo akuzë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
