Skënderbeu është rrëzuar zyrtarisht në Kategorinë e Parë. Korçarët barazuan 1-1 me Dinamon dhe matematikisht janë një kategori më poshtë për sezonin e ardhshëm.
Dukej se gjithçka po shkonte shumë mirë për bardhekuqtë, që ishin në avantazh pak sekonda para fundit, falë golit të Elvi Berishës në minutën e 85-të.
Megjithatë në minutën e 95-të, pas një krosimi në zonë, Pusi e prek topin me dorë dhe pas konsultimit me VAR, për disa minuta, Jorgji akordon penallti.
Në minutën e 102-të, ish-mesfushori i korçarëve, Sabien Lilaj, tregohet i saktë dhe barazon shifrat.
Me këtë barazim të dyja skuadrat mbeten në dy vendet e fundit me nga 25 pikë, por te Dinamo ka ende shpresë për të kaluar Egnatian, që ndodhet 9 pikë më shumë, pasi kanë një ndeshje direkte mes tyre.
Dinamo mund të arrijë “play-out” vetëm nëse i fiton të gjitha ndeshjet dhe në krahun tjetër, Egnatia duhet t’i humbasë të gjitha sfidat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
