Koreja e Jugut thotë se nuk ka marrë një përgjigje nga Pheniani në një takim mes udhëheqësit të Koresë së Veriut Kim Jong-un dhe Presidentit të SHBA Donald Trump.
Në një zhvillim të papritur, Trump të premten pranoi ftesën e Koresë së Veriut për të drejtuar bisedimet.
Zyrtarët e Koresë së Jugut thanë se Kim ishte i gatshëm të heqë dorë nga armët e tij bërthamore.
Detajet për bisedimet e planifikuara mbeten të paqarta, pa asnjë marrëveshje mbi vendndodhjen apo rendin e ditës.
Analistët janë skeptikë rreth asaj se çfarë mund të arrihet përmes bisedimeve duke pasur parasysh kompleksitetin e çështjeve të përfshira.
"Ne nuk kemi parë as nuk kemi marrë një përgjigje zyrtare nga regjimi i Koresë së Veriut në lidhje me samitin e Koresë së Veriut," tha të hënën një zëdhënës për Ministrinë e Bashkimit të Koresë së Jugut. "Ndjej se po i afrohen kësaj çështje me kujdes dhe kanë nevojë për kohë për të organizuar qëndrimin e tyre", tha ai.
Presidenti i Koresë së Jugut, Mun Moon, ka përshkruar mundësinë për të mbajtur bisedime me Korenë e Veriut si një "shans të çmuar" për të arritur "paqen e përhershme".
Zyrtarët e vendit të tij që folën me Presidentin Trump tani janë në rrugë për në Kinë dhe Japoni për të njoftuar udhëheqësit e secilit vend në bisedimet e ardhshme.
Ndërsa Kina është parë si mbështetësja e fundit financiare e Koresë së Veriut, Japonia është aleati i Uashingtonit që së bashku me Jugun ka marrë kërcënimet më të mëdha ushtarake nga Pheniani.
Propozimi i befasishëm për takim vjen pas më shumë se një viti të retorikës së nxehtë midis Koresë së Veriut dhe SHBA-së, duke përcjell një shqetësim global se armiqësitë mund të përshkallëzohen në konfrontim ushtarak, raporton BBC.
Koreja e Veriut ka kryer disa teste bërthamore vitin e kaluar dhe ka zhvilluar raketa me reze të gjatë veprimi, dhe thotë se mund të mbajnë bomba bërthamore deri në kontinentin e SHBA.
Bisedimet midis vendeve do të shënonin një hap të paprecedent në konflikt, pasi asnjë president nuk është ulur për tu takuar me një udhëheqës të Koresë së Veriut.
Megjithatë, detajet e takimit mbeten të paqarta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
