Ai këto komente i bëri gjatë tubimit elektoral të Partisë Përparimtare serbe (SNS) sot në Leposaviç.
“Kemi kuptuar veç tjerash se nëse ministri Aleksandar Vulin do të vie në Kosovë do të arrestohet. Në këtë mënyrë qarqet politike në Prishtinë janë duke dëshmuar vetëm frikë nga mbështetja e serbëve të Kosovës që kanë për kryeministrin e tyre Aleksandar Vuçiç”, tha mes tjerash Gjuriç.
Përveç tij, në këtë tubim po marrin pjesë edhe anëtarë të kryesisë së kësaj partie Nikolla Selakoviç dhe Branisllav Gashiç, si dhe zyrtarë tjerë të kësaj partie si nga Kosova, ashtu edhe Serbia.
Ndryshe, përkundër paralajmërimeve të kryeministrit serb dhe kryetarit të SNS-së, Aleksandar Vuçiç për pjesëmarrje në këtë tubim, ai deklaroi mbrëmë se nuk do të vij në Kosovë. /KosovaPress
