Përdoruesit në të gjithë botën humbën aksesin në Instagram të dielën në mbrëmje, pasi platforma e njohur e ndarjes së fotove dhe videove pësoi një ndërprerje.
Shërbimi i gjurmimit në internet DownDetector mori mbi 180,000 raporte se Instagram nuk po funksiononte.
“Ne jemi të vetëdijshëm se disa njerëz kanë probleme me aksesin në Instagram”, tha zëdhënësi i Instagram.
“Ne po punojmë që gjërat të kthehen në normalitet sa më shpejt të jetë e mundur dhe kërkojmë falje për çdo shqetësim.”
Megjithatë pas problemeve të hasura Instagram është rikthyer serish në funksion të plotë.
Shërbimet në pronësi të asaj që tani quhet Meta Platforms pësuan ndërprerjen e tyre më të keqe globale në histori në tetor 2021, kur Facebook, Instagram dhe WhatsApp pushuan së funksionuari për disa orë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
