Të shtëna me armë zjarri pranë një shkolle të mesme “Benito Juarez”, në Lower West Side të Çikagos, SHBA, shkaktuan dy të vdekur dhe dy të plagosur të premten pasdite.
Zyrtari i policisë së Çikagos, David Brown tha se i dyshuari nuk është identifikuar ende.
Brown deklaroi se paraprakisht dyshohet se të shtënat ishin si pasojë e “një konflikti të mundshëm bandash”.
Dy të plagosurit janë në gjendje të rëndë, tha Brown, i cili nuk pranoi të jepte informacione të mëtejshme.
Dy viktimat janë dy djem 14 dhe 15 vjeç, të cilët u qëlluan në kokë dhe u deklaruan të vdekur në Spitalin Stroger në Cook County.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
