Kuvendi ka shkarkuar sot me 55 vota pro dhe 20 kundër kreun e AMF-së, Enkeljeda Shehi. Vendimi për shkarkimin është bërë me votim të fshehtë. Ndërkohë, sipas Orës deputetët e LSI-së në një farë mënyre konfirmuan votën kundër shkarkimit.
Projektvendimi për shkarkimin e anëtarit të Bordit dhe Drejtorit Ekzekutiv të Autoritetit të Mbikëqyrjes Financiare ka ardhur pas miratimit nga Komisioni i Ekonomisë vetëm me votat e socialistëve, pasi deputetët e LSI-së votuan kundër.
Dy deputetët e LSI, Gjovalin Kadeli dhe Gledion Rehovica votuan kundër sepse sipas tyre, nuk ka material mjaftueshëm për të marrë vendimin e shkarkimit.
Bordi i Autoritetit të Mbikëqyrjes Financiare i propozoi Kuvendit shkarkimin e drejtoreshës së AMF-së, zonjës Shehi. Në relacion bordi rendiste edhe një sërë provash ku pretendohet se Shehi ka shkelur ligjn në vendimmarrjet e saj dhe emërimet në departamente.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
