Pala greke pretendon se në Shqipëri në vitet 1940-41 kanë rënë dhe janë varrosur 12 mijë ushtarë helenë, ndërsa komisioni përgjegjës i palës shqiptare, në deklaratat e tij gjithmonë ka pretenduar për një numër më të ulët, shifra që transmetohen edhe nga agjenci greke të lajmeve, që citojnë dokumentet shqiptare.
Që nga 22 janari, dita kur u aktivizua marrëveshja për zhvarrimin e ushtarëve, deri më sot në Dragot të Tepelenës janë gjetur eshtrat e më shumë se 100 trupave. Por, duket se edhe për këto shifra mes dy palëve nuk ka një rakordim të saktë, ashtu siç nuk ka për numrin e pretenduar të rënëve.
Deri në mesditën e së enjtes, shtabi i përgjithshëm i ushtrisë greke raportoi për 108 zbulime, ndërsa Ministria i Mbrojtjes i tha Televizionit Tema se janë gjetur eshtrat e 121 trupave, duke cituar pas kësaj edhe pretendimin e palës greke për numrin e të rënëve. Por, teksa marrëvshja është në zbatim përmes një procesi që ndiqen nga një komision dypalësh, bëhet e ditur se eshtrat e gjetura nuk janë identifikuar ende, dhe të dhënat ekzakte për ta do të deklarohen pas ekspertizës të specializuar laboratorike.
Zhvarrimi i eshtrave të ushtarëve grekë në Shqipëri, që filloi në fund të janarit të këtij viti, vjen pas një marrëveshjeje të përbashkët, e cila ka nisur herët dhe është ligjëruar në vitin 2009, duke caktuar dy vendprehje të përhershme, një në Këlcyrë dhe një në Dropull.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
