Avokati Jordan Daci thotë se duhet ndryshuar ligji për partitë politike, në mënyrë që të shmangen ngërçe si ai i krijuar së fundmi në Partinë Demokratike. Në studion e lajmeve, Daci tha se vendimi i dhënë nga Gjykata e Apelit ditën e djeshme e kthen situatën e Partisë Demokratike në momentin para Kuvendit të 11 dhjetorit të vitit të kaluar. Ky sipas tij është një ogur i keq për PD dhe për pluralizmin në vend.
Fatkeqësisht regjistrimi i partive politike ka mungesë rregullash. Ka nevojë për plotësim të kuadrit ligjor. Duhet që këto ndryshime të mosbëhen pengesë. Dihet që masa është me Grupin e Rithemelimit, ndërsa grupi tjetër ka një numër të vogël përkrahësish.
Ai vendim zhbën Kuvendin e 11 dhjetorit dhe çdo vendim të tij. Pra e rikthen situatën në momentin para kuvendit të 11 dhjetorit. Ka paqartësi për zotin Basha dhe dorëheqjen e tij. Grupi i Rithemelimit do të vazhdojë të funksionojë në mënyrë autonome. Ëshë një ogur i keq për PD, për ne si shqiptarë, por edhe për PS që në radhët e saj e vlerësojnë kontributin e opozitës.
Gjykata e Apelit vihet në lëvizje kur ka ankim. Lind pyetja me çfarë tagri e ka kthyer në shkallën eparë. Duhet të presim arsyetimin e vendimit. Një gjë është e sigurt, zoti Alibeaj dhe grupi i tij janë të vetmet që përfaqësojnë PD në kuptimin ligjor.
Gjykata në çdo rast nuk mund ta zgjidhë çështjen pa u mbështetur në parimet themelore të së drejtës. Ajo që duhet të ndodhë është ndryshimi i menjëhershëm i ligjit për partitë. Kjo do të garantonte procese të shpejta. Unë kam propozuar disa ndryshime të tilla. Mund të dalë një grup që në mënyrë jostatutore, duke abuzuar meprocedurën, ta mbajë partinë pa të drejtë edhe pse mundtë jetë shkarkuar. Kjo situatë dëmton pluralizmin politik në Shqipëri. Gjykata vërtet verifikon, por anëtarësia zgjedh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
