Pas pothuajse një viti që prej samitit të 6 dhjetorit në Tiranë, kryeministri Edi Rama ka reaguar përmes një postimi në ‘Facebook’ në lidhje me reduktimin e tarifave roaming, mes Europës dhe Ballkanit Perëndimor.
Rama ka kujtuar se që prej 1 tetorit tashmë, çmimet e internetit ‘Roaming’ mes Evropës dhe Ballkanit Perëndimor janë ulur mesatarisht 99%. Kjo marrëveshje, e firmosur në samitin historik të 6 dhjetorit, është në fakt një risi dhe ndihmë për qytetarët.
Mirëmëngjes dhe me lajmin e mirë se prej 1 tetorit, çmimet e “Internetit Roaming” mes Europës dhe Ballkanit Perëndimor janë ulur mesatarisht deri 99%, të konkretizuar pas firmosjes së marrëveshjes në samitin historik të dhjetorit në Tiranë, ju uroj një ditë të mbarë.
Kujtojmë se vendimi për uljen e shpenzimeve 'roaming' u mor në dhjetor të vitit të kaluar, gjatë takimit të nivelit të lartë BE- Ballkani Perëndimor, në Tiranë, falë një marrëveshjeje të nënshkruar nga operatorët e telekomunikacionit të BE-së dhe vendeve të rajonit e cila parashikon shuarjen e plotë të tarifave roaming brenda vitit 2027.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
