Laura, Nicola dhe Alison Crimmins janë tre motra 29-vjeçare që kanë lindur në të njëjtën ditë dhe jo vetëm, ato janë trinjaket që shërbejnë si pasqyrë të njëra-tjetrës. Ndryshe nga rastet e tjera nëpër botë, motrat Crimmins sforcohen t’i ngjajnë njëra tjetrës deri në detajet më të vogla. Këtu bazohet dhe fama e tyre.
Trinjaket janë me shetësi irlandeze dhe jetojnë në Dublin duke punuar prej vitesh si modele, në fuqi të tretë. Të treja nuk deviojnë nga njëra – tjetra deri në detajet më të vogla. I njëjti stil jetese, e njëjta punë, e njëjta dietë, të njëjtat aktivitete fizike, motrat Crimmins vetëm të dashurin nuk e kanë të njëjtin person. E gjithë kjo mani u ka dhënë rezultatin e dëshiruar dhe suksesin në punën e tyre. Gjëja që bën më shumë përshtypje është ngjashmëria fizike e trinjakeve, janë praktikisht identike, në gjatësi, në peshë dhe në përmasa.
Motrat Crimmins janë të pandashme që nga fëmijëria e tyre por kur mbushën 16-vjeç dhe pasi nisën punën si modele ato janë kthyer praktikisht në kopjet e njëra-tjetrës. Sipas vetë motrave ato janë në kontakt të vazhdueshëm dhe bëjnë të njëjtat gjëra edhe kur janë larg. Nga ana tjetër rrëfejnë se prej vitesh “hutojnë” njerëzit kudo që shkojnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
