Sekretari i Përgjithshëm i NATOS, Jens Stoltenberg nëpërmjet një statusi në twitter, shprehet se po punohet që aeroporti i Kabulit të mbahet hapur në mënyrë që të lehtësohen evakuimet. Ende nuk është e qartë se çfarë po ndodh në aeroport, ndërsa më herët aty u raportua se kishte rënë një zjarr.
Duket se talebanët duan ta marrin nën kontroll, por aeroporti është rruga e vetme për stafet diplomatike që të evakuohen. Për këtë shqetësim Stoltenberg ka komunikuar edhe me kryeministrin britanik Boris Johnson si dhe ministrat e jashtëm të Kanadasë, Danimarkës e Holandës.
Statusi i Jens Stoltenberg në twitter:
Fola me kryeministrin britanik Boris Johnson dhe ministrat e jashtëm të aleatëve tanë të Kanadasë, Danimarkës dhe Holandës mbi situatën në Afganistan. NATO po ndihmon në mbajtjen e aeroportit të Kabulit të hapur për të lehtësuar dhe koordinuar evakuimet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
