Qytete të tëra janë në izolim në Kinë si pasojë e riaktivizimit të vatrave të Covid-19. Qeveria kineze është e vendosur ta vijojë luftën kundër virusit, pavarësisht kostove ekonomike dhe sociale. Në një lidhje Skype nga Pekini, gazetari Edison Myrteza tha se edhe pse 98% e popullsisë janë vaksinuar me dy doza, autoritetet vijojnë vaksinimin me dozën e tretë, ndërsa planifikohet e katërta dhe e pesta.
BS5 është mutacioni më i ri dhe më infektues. Çdo provincë ka qytete në izolim masiv. Është shumë e vështirë të hysh apo të dalësh pa pasur tre vaksina. Kina nuk do të lëshojë pe. Në mbledhjen e qeverisë u vendos që Kina do të vazhdojë në mënyrë të ashpër luftën ndaj Covid, pavarësisht asaj që ndodh, edhe në ekonomi. Në qarkullim janë edhe virozat e stinës, por situata është e kontrolluar. Por një hapje e plotë do të bënte që të rëndohej sistemi spitalor. Mendohet se shumë shpejt që të jepet doza e katërt apo e pestë.
Sipas Myrtezait, të infektuarit rishtas janë individë kryesisht të pavaksinuar të moshës mbi 50 vjeç.
Shumica e të prekurve janë të pavaksinuar. Ata janë rrezik edhe për të tjerët. Vetëm para dy ditësh u testua edhe vaksina që merret nëpërmjet gojës. Është e para dhe nuk dihet si do të shkojë. 98% e popullsisë së Kinës janë vaksinuar me dy doza. Mosha më e madhe e të infektuarve janë mbi 50-60 vjeç. Maska mbetet e detyrueshme. Shumë restorante janë mbyllur. Institucionet paraarsimore në zona ku ka izolim janë të mbyllura pa afat. Miliona tampona kryhen në ditë. Pa rezultatin e tamponit, askush nuk lejohet të dalë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
