Beteja e Princeshës Diana kundër bulimisë do të jetë në qendër të një biografie të princeshës Diana për të vegjlit në serinë “Njerëz të vegjël, ëndrra të mëdha”.
Në këtë mënyrë edhe më të vegjlit do të njohin, përveç ngjarjeve të saj, një aspekt që ka mbetur sekret prej vitesh i “princeshës më të dashur në botë”.
Libri do të dalë më 7 shtator dh, siç shkruan The Telegraph, do të përmbajë disa faqe kushtuar zakoneve të çrregullta të të ngrënit të Lady D.
“Sa herë që ndihej e vetme, ajo kërkonte lehtësim duke ngrënë të gjitha ëmbëlsirat që mund të gjente në kuzhinën mbretërore”, lexon një mbishkrim poshtë një ilustrimi, ku shfaqet princesha e trishtuar duke përqafuar një pjatë të zbrazët, pranë një tavoline me një tabaka me bonbone.
Por ajo ndjenjë e ëmbël rehatie nuk zgjati shumë. Pasi u largua, ajo u përpoq të nxirrte të gjithë ushqimin që kishte ngrënë derisa u sëmur.
Libri përshkruan gjithashtu “hendekun” midis jetës private dhe publike të princeshës:
Edhe pse jeta e saj dukej sikur vinte nga faqet e një përralle, Diana shumë shpejt kuptoi se zemra e princit i përkiste dikujt tjetër.
Dhe gjatë rrjedhës së viteve me kalimin e kohës ai trishtim u bë një çrregullim i të ngrënit i quajtur bulimi.
Më tej rrëfehet puna dhe përpjekjet e princeshës për të trajtuar problemin dhe më pas për të folur për të në publik, në mënyrë që të rrisë ndërgjegjësimin për çrregullimin edhe tek të tjerët.
Iu desh kohë të kërkonte ndihmë, të mësonte të donte veten dhe të ndalonte së lënduar trupin e saj.
Por sapo ia arriti, ajo u ndje aq mirë sa nuk kishte qenë ndonjëherë.
Në Mbretërinë e Bashkuar, gjatë viteve të trazuara të jetës së Dianës, u përhapën thashethemet për çrregullimet e saj të të ngrënit, por vetëm në intervistën e Panorama në 1995 me Martin Bashirin ajo foli publikisht dhe me zemër të hapur.
Unë kam bulimi prej disa vitesh dhe është si një sëmundje e fshehtë. Ju ia shkaktoni vetes sepse vetëvlerësimi juaj është i ulët dhe nuk mendoni se jeni person i denjë dhe i vlefshëm.
Ju mbushni stomakun katër ose pesë herë në ditë, disa e bëjnë më shumë, dhe kjo ju jep një ndjenjë rehatie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
