“Nuk dua hakmarrje, kam besim te drejtësia. Le të merret drejtësia me atë që i mori jetën tim biri, asgjë nuk mund të ma kthejë më”. Kështu shprehet Jetnor Lavdari, babai i adoleshentit shqiptar, Pandi Lavdari, që u vra pak ditë më parë në Itali nga një bashkëmoshatar i tij pas konflikti për një vajzë.
Në shtëpinë e tij ka rënë zia, por askush nuk flet për hakmarrje. Babi, nëna, motra Jolita dhe të afërm të tjerë janë mbledhur në shtëpinë ku jeton familja Lavdari. Një familje shqiptare e integruar plotësisht në shoqëri dhe që jetonte me djersën e kryefamiljarit. Ky i fundit punonte si kasap, një profesion që do t’ia mësonte edhe të birit.
“Jemi të shkatërruar. Tragjedia është më e madhe se ne. Ishte një sherr mes të rinjsh, pse duhej të kishte një thikë? Nuk më hiqet nga mendja kjo pyetje. Im bir nuk i ka bërë gjë të keqe askujt. E kam rritur dhe edukuar, shpesh edhe ashpër, me shpresën se do ta kuptonte se cilat janë vlerat e vërteta të jetës. Ëndrrave tona për të u dha fund një goditje thike”, thotë babai.
Ai thotë se funeraline të birit do ta bëjë në Itali. “Në Shqipëri nuk do të kishte pranë njeri”, përfundon ai.
Pandi Lavdari u vra të hënën nga një bashkëmoshatar i tij italian pas grindjes për një vajzë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
