Një adoleshent nga Wisconsin i akuzuar për vrasjen e prindërve të tij komplotoi për të vrarë presidentin e SHBA Donald Trump dhe të ikte jashtë shtetit, ndërsa do të akuzonte Rusinë për krimin, sipas një deklarate paraprake të FBI-së.
Nikita Casap, 17 vjeç, u akuzua muajin e kaluar për vrasje pasi policia gjeti trupat e nënës dhe njerkut të tij, të dy të qëlluar në kokë, brenda shtëpisë së tyre në Waukesha.
Ai u arrestua në Kansas pasi u arratis me një automjet të vjedhur me 14 mijë dollarë para, pasaporta dhe qenin e familjes. Oficerët gjetën gjithashtu një revolver, kuti municionesh dhe dy telefona celularë gjatë ndalimit.
"Casap duket se ka shkruar një manifest që bën thirrje për vrasjen e Presidentit të Shteteve të Bashkuara. Ai ishte në kontakt me palët e tjera për planin e tij për të vrarë Presidentin dhe për të rrëzuar qeverinë e Shteteve të Bashkuara", thuhet në urdhër-arrest.
“Vrasja e prindërve të tij dukej se ishte një përpjekje për të marrë mjetet financiare dhe autonominë e nevojshme për të realizuar planin e tij”, vijon urdhër-arresti.
FBI pretendon se Casap ka paguar, të paktën pjesërisht, për një dron dhe eksplozivë të destinuar për t'u përdorur si një "armë e shkatërrimit në masë". Në deklaratë thuhet se pajisjet kishin për qëllim të mbështesnin sulmin e planifikuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
