Dervishi: Call center-at krimi më i sofistikuar, paratë përfundojnë te kullat dhe resortet turistike

Dervishi: Call center-at krimi më i sofistikuar, paratë përfundojnë te kullat dhe resortet turistike

Mashtrimet përmes call centera-ve në Shqipëri po marrin përmasa gjithnjë e më shqetësuese, ndërsa grupet kriminale shqiptare rezultojnë të përfshira në operacione ndërkombëtare që shtrihen nga Spanja në Gjermani, Francë dhe Itali. 

 

Gazetari Ferdinand Dervishi, në MCN TV, deklaroi se aktiviteti i këtyre grupeve është sofistikuar ndjeshëm, ndërsa ngriti pikëpyetje mbi reagimin e strukturave shtetërore për parandalimin dhe goditjen e këtij fenomeni.

 

Sipas Dervishit, fakti që në muajt e fundit janë publikuar vazhdimisht lajme për operacione të mëdha kundër mashtrimeve online, ku Shqipëria rezulton pjesë e rrjeteve kriminale, tregon se ky aktivitet është konsoliduar në vend dhe se pas tij qëndrojnë grupe me mbështetje financiare dhe lidhje kriminale.

 

Muajt e fundit po ndodh nga një lajm i përmasave të tilla që lidhet me mashtrimet e call centerave dhe që tregon se në Shqipëri grupe kriminale kanë pasur mundësi, u është liruar terreni për të zhvilluar këto aktivitete. U kuptua se Shqipëria është pjesë e operacioneve të mashtrimit nga Spanja në Gjermani, Francë, Itali e kështu me radhë. Ky lloj krimi në Shqipëri është i pranishëm, i sofistikuar dhe nuk është se ka një lloj shtytjeje nga strukturat e shtetit për ta minimizuar. Përderisa kemi pothuajse çdo muaj kapjen e një grupi të madh nga autoritetet jashtë Shqipërisë dhe jo brenda vendit, e njëjta gjë ndodh edhe me këtë grup të goditur.

 

Ai përmendi si element të rëndësishëm zbulimin e një kompanie me bazë në Qipro dhe Izrael, e cila furnizonte grupin me faqe interneti dhe mjete të tjera të nevojshme për mashtrimin e viktimave.

 

Krimi i organizuar mund ta bëjë këtë, jo njerëz të thjeshtë. E bëjnë njerëz që kanë mbështetje financiare dhe lidhje kriminale. Përshtypje të bën fakti që për herë të parë e shoh të cilësuar këtu se është zbuluar një kompani me bazë në Qipro dhe Izrael, që furnizonte me faqe interneti. Pra, logjistika është shumë e rëndësishme. Serverat mund të mos jenë në Shqipëri, por këtu janë call centerat, këtu është elementi njerëzor. Duke qenë se jam marrë me këtë pjesë dhe e ndjek, është e kushtëzuar dhe mashtruesi të zgjedh ty. Në rreshtin e shumë njerëzve të pikas ty, nuk e zgjedh ti mashtruesin. Në rastin e call centerave është mashtrim përmes audios. Më e bukura ishte se këtu një grup mashtruesish ofronin asistencë për të marrë një shumë parash, pasi ishin mashtruar nga kompani të tjera mashtruese. Kjo ishte kulmi.

 

Duke u ndalur te përmasat financiare të operacionit ndërkombëtar, Dervishi tha se grupi i ndjekur nga autoritetet gjermane dyshohet se kishte përfituar rreth 4 milionë euro, një shumë që, sipas tij, dëshmon kapacitetin ekonomik të këtyre rrjeteve kriminale.

 

Flasim për një krim ndërkombëtar dhe ky grup, i ndjekur nga një grup gjerman, ishte në nivelin e 4 milionë eurove dhe nuk është pak. Shqiptarët, sigurisht, shkojnë atje ku shkojnë të gjitha paratë e krimit të organizuar. Shkojnë te gradacelat, te bregdeti, te fshatrat turistikë. Këtu shkojnë këto para, aty ku shkojnë të gjitha paratë e krimit të organizuar. Në Shqipëri e kemi thënë se sasitë më të mëdha të fitimit të parave, të korrupsionit dhe të krimit të organizuar gjenerohen në katër fusha. E para është buxheti i shtetit, e dyta është droga, pastaj janë bastet e paligjshme, ku lidhet një mijë për qind politika dhe policia, dhe së fundmi kemi edhe fuqizimin e call centerave, ku bëhen fitimet më të mëdha. Kjo e fundit është krimi më i sofistikuar për të mashtruar. Pra, këto janë ato që bëjnë më shumë para në Shqipëri.

MCN Radio logo
MCN Radio
103.1 FM
Drupal Ad
Drupal Ad
MCN Radio logo
MCN Radio
103.1 FM
Radio
Intro

MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.

Kategoritë
Streaming

MCN TV

MCN Radio

Contact

info@mcn.tv.al

+355 422 00200

All rights reserved. MCN 2025

Terms and ConditionsPrivacy Policy