Nënkryetari i Partisë së Lirisë, Petrit Vasili, i cilëson zgjedhjet e 14 majit më të dobëtat që janë mbajtur ndonjëherë në Shqipëri. Në studion e MCN TV, ai tha se për nga standardet, këto zgjedhje nuk arrijnë dot as ato të vitit 1992.
Themeli i zgjedhjeve të lira është rrëzuar. Kur identifikohet vetë kreu i KQZ, mendoni se çfarë ndodh në Shqipëri. Pra në 2023, ne kemi zgjedhjet më mizerabël që kanë ekzistuar në 33 vjet pluralizëm. Nuk u afrohen as zgjedhjeve të vitit 1992, se kam qenë anëtar i KQZ në atë kohë. As atëherë standardi i zgjedhjeve nuk u diskutua. Pra 31 vjet më parë.
Ai tha se maxhoranca nuk pati program, por e përcaktoi rezultatin përmes blerjes së votës.
Sot asnjë qytetar shqiptar nuk di alternativën e Rilindjes. Kush e rriti kursin e euros një ditë pas zgjedhjeve. Ishin qindra miliona euro që trnditën kursin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
