Një zjarr që shpërtheu në një qytet verior të Serbisë ka vrarë gjashtë persona, mes të cilëve katër fëmijë.
"Zjarri shpërtheu në orën 3 të mëngjesit në Novi Sad, rreth 90 kilometra në veri të kryeqytetit Beograd", tha ministri i Brendshëm Ivica Daçiç, duke shpjeguar se gjetjet fillestare sugjerojnë se shkaku mund të ketë qenë një skuter elektrik.
Fëmijët e vdekur janë nga 2 deri në 7 vjeç, tha Daçiç.
Një mjek i urgjencës tha për kanalin televiziv shtetëror RTS se të gjithë viktimat kishin humbur jetën kur ekipet e shpëtimit arritën në vendngjarje.
Policia po punon për përcaktimin e identitetit të viktimave, por dyshohet se të gjithë janë anëtarë të së njëjtës familje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
