Kryeministri Edi Rama në një bisedë me ndjekësit në “Facebook”, ka paralajmëruar edhe një herë bizneset dhe sipërmarrësit që të deklarojnë pagat e punonjësve saktë, përndryshe do të përballen me penalitete.
Teksa e quajti “grabitje të pensioneve”, Rama paralajmëroi bizneset që të vetërregullohen deri më datë 20 janar, ndërsa bëri me dije se një letër është dërguar nga tatimet për bizneset, por edhe për punonjësit.
“Kemi pagë minimale 32 mijë lek. Tatimet kanë dërguar letër për ata të dyshuar për evazion dhe u është kërkuar të vetë rregullojnë deklarimin deri në 20 janar.
Ndërkohë u është bërë e qartë që letra do u shkojë edhe punonjësve. Ka shkelje penale që shkojnë deri në dënim në burg. Të reflektojnë seriozisht se ne duam klimë pozitive dhe sa më të favorshme. Në asnjë mënyrë të goditet paga e punonjësve apo pensionet e tyre. Kemi të bëjmë me grabitje të skemës së pensioneve.
Ka raste abuzimi dhe ne do të bëjmë ndërhyrje të vazhdueshme duke shkuar deri në sanksione të forta për abuzuesit me pagat e punonjësve.” tha Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
