Komiteti për Marrëdhënie me Jashtë i Senatit të Shteteve të Bashkuara miratoi emërimin e drejtorit të CIA-s, Mike Pompeo, në postin e sekretarit amerikan të Shtetit.
Emërimi i Pompeos u miratua me 11 votat e republikanëve, ndërsa nëntë nga dhjetë demokratët e Komitetit, votuan kundër.
Pompeo u zgjodh nga presidenti Trump, pasi ky i fundit ka shkarkuar sekretarin e deritanishëm të Shtetit, Rex Tillerson.
Pompeo është bërë një nga këshilltarët më të besueshëm të Trumpit gjatë 15 muajve të tij si drejtor i CIA-s.
Ai ka qenë i angazhuar në përgatitjet e takimit të pritshëm mes presidentit Trump dhe liderit të Koresë së Veriut, Kim Jong Un.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
