Ministrja e Kulturës, Elva Margariti, njoftoi se dosja e aplikimit përr njohjen e xhubletës si pjesë e trashëgimisë kulturore nga UNESCO është pranuar.
Në një video në profilin e saj, Margariti shprehet se xhubleta tashmë është pjesë e listës dhe si e tillë do të ketë edhe mbështetjen e institucioneve ndërkombëtare.
Një lajm i jashtëzakonshëm për trashëgiminë tonë #kulturore, si dhuratë në 110-vjetorin e Pavarësisë! Pas një pune të gjatë, plot përkushtim të një grupi të madh bashkëpunëtorësh, dosja e dijebërjes artizanale të xhubletës u pranua në listën e Trashëgimisë Kulturore Jomateriale nën mbrojtjen e UNESCO-s.
Xhubleta shqiptare, e lashtë 4 mijë vjet, tashmë është pasuri e gjithë njerëzimit!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
