Kryeministri izraelit Benjamin Netanyahu deklaroi se lirimi i të burgosurve palestinezë sipas marrëveshjes së armëpushimit në Rripin e Gazës do të shtyhet derisa Hamasi të përfundojë ceremonitë poshtëruese që mban gjatë dorëzimit të pengjeve izraelitë.
“Është vendosur që të shtyhet lirimi i terroristëve të planifikuar derisa të sigurohet lirimi i pengjeve të radhës pa ceremoni poshtëruese”, tha zyra e Netanyahut në një deklaratë, duke iu referuar lirimeve të pengjeve izraelite të organizuara dhe transmetuara nga lëvizja islamike në enklavën palestineze.
Gjashtë pengjet e fundit të gjallë nga faza e parë e marrëveshjes së armëpushimit u liruan të shtunën, dy në një skenë të ngritur nga Hamasi në Rafah, tre në një tjetër në Nuseirat dhe një iu dorëzua Kryqit të Kuq.
Kur 22-vjeçari Omr Shem Tov doli në skenë, një kameraman i Hamasit i tha atij të puthte kokat e dy militantëve të armatosur, të mbuluar dhe ai e bëri këtë.
Mediat izraelite theksuan se ai nuk mund të bënte ndryshe pasi ishte një urdhër nga terroristët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
