Fatma prej vitesh tanimë, së bashku me kolegen e saj Aulona kanë intervistuar pothuajse të gjithë personazhet e showbizit shqiptar.
Por e pyetur nga Antoneta, se cili ka qenë i ftuari që i ka lodhur më shumë me përgjigjet e shkurtëra, Fatma është shprehur: “Kida, që nuk do të doja ta intervistoja më, ka qenë intervista më e vështirë e jetës sime. Për fat të mirë ishte dhe Mozzik, që e shpëtoi atë intervistë.”
Gjatë “Intervista VIP” me Antoneta Koci në Tema Tv, Fatma ka treguar edhe për personazhin për të cilin ka ndryshuar opinion pasi e ka njohur.
Është pikërisht këngëtari shumë i njohur për baladat e tij, Yll Limani. “Është një super personazh, njerëzit nuk e njohin mirë karakterin e tij. Në pamje të parë ai duket djali serioz, romantik por në të vërtetë është një super karagjoz. Është shpirti i tavolinës,një djalë fantastik me një batutë brilante”, është shprehur moderatorja.
Për më shumë ndiqni intervistën e plotë në videon më poshtë.
