Një trafikant ndërkombëtar droge i kërkuar në Shtetet e Bashkuara të Amerikës, Luis Grijalba, u gjurmua dhe u arrestua në Londër falë postimeve në rrjetet sociale të gruas së tij, Estefania McDonald Rodriguez.
Administrata Amerikane për Zbatimin e Drogës (DEA) ndoqi lëvizjet e Grijalba përmes historive fotografike të udhëtimit të ndarë nga gruaja e tij në rrjetet sociale.
Luis Grijalba akuzohet se ka trafikuar kokainë nga Kosta Rika.
Gruaja ngarkoi fotografi të shumta nga pjesë të ndryshme të botës, nga Kolumbia në Evropë.
Në momentin e arrestimit, çifti ndodhej në Londër: ata kishin mbërritur në qytet për të festuar natën e Vitit të Ri.
Një ditë pas kapjes së tij, Grijalba doli përpara Gjykatës së Magjistraturës së Westminsterit. Ai po përpiqet të luftojë ekstradimin në Shtetet e Bashkuara të Amerikës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
