<p>Gazetari Sebastian Zonja komentoi në studion e lajmeve të MCN TV debatin e kandidatëve amerikanë për zv.president. Ai tha se debati mbeti një përballje civile. </p> <blockquote> <p><em>Dolën barazim, por ajo që fitoi është se kemi një rikthim të debatit civil. Nuk pati sharje, goditje poshtë brezit. Ishte kjo tema që mbizotëroi në të gjitha mediat amerikane. Në këtë sens u tregua dhe u pa qartë se të dy zv.presidentët janë ata që dinë të jenë numri dy dhe dinë të këshillojnë dhe të udhëzojnë për politika më të mira dhe më të qarta. </em></p> <p><em>Vance është një yll në ngjitje brenda republikanëve, një nga konservatorët më të qartë, me mendim të kthjellët. Po të shohim me kujdes, ky duhet të jetë një nga hartuesit e Project 2025. Është shpirti i republikanëve në njëfarë mënyre. </em></p> <p><em>Tim Walz nga ana tjetër është politikan karriere, që me kthjelltësinë e tij dhe me babaxhanllëk mundi të fitojë betejat e tij. Tregoi maturinë e tij dhe fisnikërinë për ta çuar debatin në hullinë e një debati qytetar. </em></p> <p> </p> </blockquote> <p> </p> <iframe width="1250" height="703" src="https://www.youtube.com/embed/XW_rbm5fEU0" title="Përballja Vance-Walz, Zonja:U rikthye debati civil. Kedhi: Vance shprehu trumpizmin më mirë se Trump" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
