Gjobë influencueses nga Dubai, hyri në plazhin rozë të Sardenjës

<p>Një influencuese me bazë në Dubai është gjobitur me 1800 euro për shkeljen e një plazhi me ngjyrë rozë në Sardenjë përpara se të shpërndante një seri videosh dhe fotosh në mediat sociale.</p> <p>Gruaja mbërriti me gomone në bregun e Spiaggia Rosa, një plazh i famshëm për rërën rozë në ishullin e vogël Budelli të Sardenjës, duke injoruar të gjitha shenjat e ndalimit, sipas<a href="https://www.theguardian.com/world/article/2024/jun/15/dubai-influencer-fined-for-trespassing-on-sardinia-pink-beach-spiaggia-rosa?CMP=fb_gu&amp;utm_medium=Social&amp;utm_source=Facebook&amp;fbclid=IwZXh0bgNhZW0CMTEAAR2DWiH9FPbGP7STpheTH09-BgsoGuAh2svS3gfHeDop3bSE9e76L-TruNM_aem_cdu_JsRnJJ6tV0u2xRV2Wg#Echobox=1718442460"> raportimeve</a> në shtypin italian.</p> <p>Turistëve u është ndaluar të ecin në plazh - nga i cili shpesh është vjedhur rëra - dhe të notojnë në det atje që nga vitet 1990, por ata mund të vizitojnë ishullin gjatë ditës me varkë dhe lejohen të ecin përgjatë një shtegu prapa plazhit.</p> <p>Gruaja me origjinë braziliane që jeton në Dubai, i publikoi videot në në @Rogeriaguiadubai, një llogari në Instagram me më shumë se 35 000 ndjekës. Në një prej videove, ajo filmon gjurmët e saj në rërë në melodinë e La Vie en rose të Édith Piaf në sfond.</p> <p>Shkelja, e cila dyshohet të ketë ndodhur disa ditë më parë, shkaktoi indinjatë në mesin e njerëzve në Sardenjë, duke nxitur oficerët e rojes bregdetare të arkipelagut La Maddalena, ku përfshihet edhe Budelli, të hetojnë më tej.</p> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" style="float:left" typeof="foaf:Image" width="600"></a></p> <p>Ata e gjurmuan gruan në Dubai dhe e njoftuan atë për gjobën prej 1,800 €, nga të cilat 300 € për shkeljen e ndalimit dhe 1,500 € për mbërritjen në bord të një anijeje që nuk kishte autorizim aksesi për Budelli. Gruaja e mori me qira gomonen dhe pronari i kompanisë së qirasë nuk ishte në dijeni se ajo po planifikonte të shkonte në ishull.</p> <p>Budelli është i pabanuar, megjithëse për më shumë se 30 vjet ishte shtëpia e një banori, Mauro Morandi, i cili kishte ngecur në ishull në vitin 1989 pasi katamarani i tij u prish gjatë rrugës për në Paqësorin jugor.</p> <p>Morandi, i krahasuar nga disa me Robinson Crusoe, ia doli të jetonte aty dhe të bëhej kujdestari de fakto i ishullit, por në vitin 2021, në moshën 84 vjeç u detyrua të largohej nga autoriteti që menaxhon parkun kombëtar La Maddalena.</p>