Inter ka bërë një figurë aspak të hijshme ditën e sotme në Seria A ku pas fitores tenistike 6-0 kundër Brescia është mposhtur në San Siro me përmbysje 1-2 kundër Bologna-s.
Takimi i vlefshëm për javën e 30 të kampionatit nisi shumë mirë për zikaltërit, pasi në minutën e 22 gjetën golin e avantazhit me Lukaku-n pas disa tentativave të njëpasnjëshme. Në minutën e 57 u duk se gjithçka u bë më e lehtë për të zotët e shtëpisë pasi Bologna mbeti me një lojtar më pak për shkak të kartonit të kuq të Soriano-s.
Më tej Lautaro do të humbte një penallti, ndërsa në minutën e 74 Jëara do të gjente golin e barazimit, duke shtangur skuadrën e Conte-s. Nga këtu gjërat do të merrnin tatëpjetën pasi Bastoni doli me karton të kuq, para se Barroë të përmbyste rezultatin, duke i dhënë një trepikësh Bologna-s që e ngjit në vendin e 9.
Kur kanë mbetur edhe 8 ndeshje deri në përfundim të kampionatit, duket se sezoni për Interin mund të konsiderohet i mbyllur, pasi ndodhet 11 pikë larg Juventusit kryesues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
