Forcat speciale RENEA kanë zbarkuar sot në Elbasan në kuadër të një operacioni antidrogë që ka përfshirë 7 bashki të qarkut.
Operacioni ka nisur në orët e para të mëngjesit dhe deri tani janë arrestuar 40 persona, sipas informacioneve paraprake.
Siç raporton korrespondentja e MCN në Elbasan, ende nuk ka detaje të plota për natyrën e arrestimeve dhe nëse ndonjë prej personave të arrestuar është një nga ata që kërkohen nga autoritetet. Po ashtu, nuk ka ende një njoftim zyrtar në lidhje me kapjen e ndonjë prej personazheve të njohur në botën e krimit.
Gjatë kontrollimeve në banesa, janë gjetur armë dhe lëndë narkotike të ndryshme.
Ndërkohë, nuk përjashtohet mundësia që operacioni të ketë pasur si qëllim ndalimin e individëve me lidhje me grupe kriminale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
