Kalaja: Rama e ka lëshuar Veliajn një vit më parë, ka zgjedhur edhe zëvendësuesin (VIDEO)

<p>Avokatja Adriana Kalaja thotë se kryeministri e ka përzgjedhur tashmë pasuesin e Erion Veliajt në krye të Bashkisë së Tiranës. Në studion e MCN TV, Kalaja tha se Blendi Gonxhe do të zëvendësojë Veliajn, të cilin Rama e ka lëshuar që pas skandalit të kompanisë 5D.</p> <blockquote> <p><em>SPAK-u të na thotë në çfarë statusi është Erion Veliaj. Edhe në raport me atë që ka ndodhur ditën e premte është në interes të publikut të thuhet se ka dalë ky vendim. BKH nuk shkon pa mandat te numri dy i qeverisë. Edi Rama ka marrë masa sepse ka dijeni të plotë. Ai ka bërë disa llogari elektorale dhe ka menduar që lëvizja e Erion Veliajt para zgjedhjeve lokale mund të ishte e dëmshme. Edhe vetë SPAK është në një situatë që nuk e mbron dot Veliajn, ndaj për Partinë Socialiste ai po bëhet kosto. Në dijeninë time është projektuar edhe zëvendësuesi. Është Blendi Gonxhe. Rama e ka lëshuar Veliajn që në verën e vitit 2023. </em></p> </blockquote> <p>Kalaja tha se nuk është sekuestruar vetëm telefoni i bashkëshortes së Veliajt, por edhe aparate të tjera elektronike. Sipas saj, ndaj kryebashkiakut të Tiranës mund të dalë shumë shpejt një masë sigurimi.</p> <blockquote> <p><em>Janë sekuestruar jo vetëm telefoni i Ajola Xoxës, por edhe aparate të tjera elektronikë. Kjo gjë ka ndodhur edhe me të vëllain e Veliajt. Di që ka vendim për sekuestrimin e telefonit të Veliajt. Ka pasur dhe një aplikacion përmes të cilit Veliaj drejtonte këtë korrupsion me drejtuesit e vet që janë sot pas hekurave. Thashethemet që nuk kanë punë me Erionin po me Ajolën nuk janë të vërteta. Janë vjehrra e Erion Veliajt, daja i Ajola Xoxës, etj që kanë përfituar tendera nga Bashkia e Tiranës, qartazi në konflikt interesi. Ajola po hetohet si bashkëshorte e tij. Të gjithë familjarët po hetohen se po hetohet Erion Veliaj. Që nga e premtja Veliaj është person nën hetim dhe shumë shpejt ndaj tij do të dilet me një masë sigurimi. </em></p> </blockquote> <p>&nbsp;</p> <p>&nbsp;</p> <iframe width="560" height="315" src="https://www.youtube.com/embed/dxl1UIiWHy0?si=Ruc-4Vr6BGe8bCjU" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>