Dymbëdhjetë fëmijë humbën jetën në Afrikën e Jugut kur një minibus që i çonte në shkollë pranë Johanesburgut u përmbys dhe mori flakë pasi u përplas nga një mjet tjetër.
Shoferi humbi jetën, ndërsa shtatë fëmijë të tjerë u dërguan me urgjencë në spital, thanë zyrtarët në provincën Gauteng të Johanesburgut.
Pamjet televizive treguan se minibusi u shkatërrua nga flakët në aksidentin e ndodhur mëngjesin e së mërkurës në Merafong, më shumë se 70 kilometra në perëndim të qytetit.
Shumica e fëmijëve ishin nga një shkollë fillore, ku nxënësit janë të moshës nga 6 deri në 13 vjeç.
Djegiet masive që pësuan viktimat e vështirësojnë identifikimin e tyre, tha zëdhënësi i departamentit të policisë së trafikut në Gauteng, Sello Maremane.
Nga të dhënat paraprake hetimore, minibusi u godit nga pas nga një kamionçinë e vogël, duke bërë që të përmbyset dhe të marrë flakë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
