Presidenti i Shteteve të Bashkuara të Amerikës, Donald Trump ka pranuar dorëheqjen e ambasadores amerikane në OKB, Nikki Haley.
Largimi i ish-guvernatores së Karolinës së Jugut ka ardhur si një surprizë ndaj zyrtarëve të administratës Trump.
Shefi i Shtëpisë së Bardhë u takuan në Zyrën Ovale me ambasadoren duke bënë komente për gazetarët.
Trump tha se Haley kishte shprehur dëshirën për t'u larguar rreth 6 muaj më parë dhe shtoi se ajo do të largohet në fund të këtij viti.
Trump tha se Haley ka qenë "mjaft e veçantë" për të dhe ka bërë "një punë fantastike".
Një nga gratë e pakta në kabinetin Trump, ajo nuk dha asnjë arsye për largimin e saj pas dy vjetësh.
Por Trump i tha asaj se mund të kthehej në një post tjetër të rëndësishëm.
Ajo tha se do të bënte fushatë për "këtë", duke u drejtuar nga Trump.
"Nuk kam vendosur asgjë se ku do të shkoj", tha Haley.
"Ka qenë tetë vjet kohë intensive, dhe unë jam një besimtare e kufijve afatgjatë", tha ajo më tej.
Në komentet për gazetarët ajo tha se "ndonjëherë është mirë të largohesh për t'u hapur rrugën të tjerëve".
Ajo i tha Trump: "Faleminderit, zoti President, ka qenë një nder i jetës sime të punoja për ju."
Njoftimi për largimin e saj vjen pasi Haley shërbeu si president i përkohshëm i Këshillit të Sigurimit të OKB për një muaj.
Në prill, ajo u përplas me Shtëpinë e Bardhë, kur një ndihmës i Trump deklaroi se ajo kishte paralajmëruar e para një raundi të ri sanksionesh kundër Rusisë.
Trump shtoi se do të emërojë zëvendësimin e saj në dy apo tre javët e ardhshme.
Presidenti tha se "njerëz shumë të mirë" janë të interesuar për të marr pozicionin që mbante ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
