Dy persona kanë humbur jetën dhe nëntë të tjerë janë plagosur pasi këmbësorët janë përplasur nga një kamion në qytetin Amqui, në veri të Quebec të Kanadasë.
Drejtuesi i mjetit, një vendas 38-vjeçar është arrestuar pasi është dorëzuar në polici. Hetuesit janë ende duke u përpjekur për të përcaktuar nëse incidenti ishte një sulm i qëllimshëm.
Vjen vetëm një muaj pasi dy fëmijë u vranë kur një shofer autobusi hyri me makinë në një çerdhe në Montreal.
Policia u thirr për incidentin e fundit rreth orës 15:00 (19:00 GMT) pas raportimeve për një përplasje mes një furgoni dhe këmbësorëve.
Dy personat e vrarë mësohet se janë një burrë rreth të 70-tave dhe një tjetër 60-vjeçar. Mediat kanadeze raportuan se mes të plagosurve janë edhe fëmijë që po trajtohen në spitalin lokal.
Kryeministri i Quebec Francois Legault tha se incidenti ishte "tronditës", ndërsa kryeministri kanadez Justin Trudeau tha në Twitter se zemra e tij ishte me njerëzit e Amqui.
Në shkurt, një shofer përplasi një autobus në një çerdhe, duke vrarë dy fëmijë dhe duke plagosur disa të tjerë.
Policia beson se i dyshuari, Pierre Ny St-Amand, e futi qëllimisht autobusin në çerdhe gjatë uljes së mëngjesit dhe u akuzua për vrasje të shkallës së parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
