Komuniteti shqiptar në Zvicër janë bërë bashkë dhe kanë mbledhur rreth 15 milionë franga zviceriane për ndërtimin e një xhamie në qytetin St. Gallen.
Në një lidhje online, dy imamët Mehas Alija dhe Bekim Alimi thanë se realizimi i kësaj nisme u bë i mundur falë solidaritetit të komunitetit mysliman.
MEHAS ALIJA – IMAM, ZVICËR
Nga viti 2010 kam ardhur këtu. Si komunitet funksionojmë nga viti 1992. Fillimisht xhamia brenda qytetit ka pasur hapësira më të vogla.
Myslimanët shqiptarë janë një komunitet i mirëpritur dhe i mirëintegruar në rrafshin fetar. Janë profilizuar mirë dhe po e bëjnë punën e tyre më së miri. Nga 500 mijë myslimanë, pjesa dërrmuese janë shqiptarë. Besoj se jemi duke treguar shembullin më të mirë.
Në të gjitha xhamitë tona në qytetet e Zvicrës bëhen aktivitete. Ruajtja e vlerave kombëtare mbetet shumë e rëndësishme për ne. Në shumë xhami mësohet gjuha shqipe. Qëllimi ynë është të ruhet gjuha. Bashkëpunimi është shumë i mirë. Jemi pjesëmarrës në samitin e diasporës dhe na konsiderojnë si vlerë e veçantë.
BEKIMI ALIMI – IMAM, ZVICËR
Komuniteti mysliman shqiptar është më i integruar se çdo komunitet tjetër. Ne jemi një popull që e ka hapur derën. Unë jam mësues në shkollat publike dhe lëndën fetare e bëj në mënyrë vullnetare prej vitesh. Në hyrje të xhamive tona ka mirënjohje nga komunat dhe kantonet. Ne jemi në tryezën e rrumbullakët ku marrin pjesë priftërinjtë. Në çdo Bajram dhurojmë gjak në spitale. Ne japim kontributin maksimal në komunitetin zviceran.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
